【運動科學怪人】Roller真喺有幫助恢復效果?

0

自從按摩滾筒推出之後,有好多球星同運動名人用嚟比賽後即時放鬆肌肉,令到依家使用按摩滾筒幫助運動後恢復嘅人都愈嚟愈普遍,用一條滾筒轆下轆下好似又真喺有放鬆到肌肉,而肌肉放鬆嘅效果相信有用過嘅人都會感覺得到,但喺對於一整個運動彼恢復過程有無效果,真喺不得而知,不如睇下最新嘅科學研究點講!

按摩滾筒(Roller)嘅設計基本上都差唔多,最大嘅分別在於滾筒上面嘅紋路設計,有唔少公司都會以紋路功能作品牌主打,而使用滾筒嘅方式千變萬化,只要按摩到你想要放鬆的肌肉就可以,而且市面上開始出現各式各樣改良版滾筒,有振動,發熱等功能,令滾筒對於運動恢復功能更上一層樓。

滾筒岩岩面世嘅時候,已經聲稱運動後即時使用滾筒按摩,有助於抑制肌肉間產生沾黏,對於控制肌肉疼痛有好大幫助,但喺對於一整個運動恢復過程嘅效果就未有太多著墨,因此引起科學界對滾筒產生興趣,而進行一連串進行實驗。

一編研究搵嚟18個足球運動員,18個運動員會隨機分成兩組,一組喺滾筒組,一組喺控制組,實驗一共會進行兩日,第一日前測會收集恢復指數(TQR),肌肉疼痛指數(VAS),柔軟度(sit and reach),垂直跳(CMJ),5/10米衝刺跑,T-Test敏捷度測試,然後運動員會進行設計好嘅訓練,完成訓練之後,滾筒組會利用滾筒休息,控制組就保持同平時一樣恢復,第二日再測試同第一日同樣嘅項目,最後得出結果想當特別。

測試結果中,按摩滾筒對恢復敏捷度,降低疲勞值及改善肌肉疼痛指數確實有幫助,顯示按摩滾筒對於肌肉恢復真喺有一定功效,因為敏捷度喺肌肉疼痛下會大幅降低,所以運動後能夠加快降低疲勞值及改善肌肉疼痛指數,對於需要高敏捷度嘅運動員嚟講好有用,同樣地,耐力型運動員亦都可以用嚟降低疲勞值,但喺對於爆發力運動員可能用滾筒就無咩幫助啦。所以就算按摩滾筒對恢復有一定幫助,但喺其實都要睇運動類型,再加上使用技術,效果先會顯著。

參考資料:

The influence of foam rolling on recovery from exercise-induced muscle damage.(D’Amico AP1, Gillis J.)

The Effects of Foam Rolling as a Recovery Tool in Professional Soccer Players.(Rey E1, Padrón-Cabo A, Costa PB, Barcala-Furelos R.)

Comments
Loading...