【點評體壇】中朝關係轉差,北韓馬隨時凍過水!!

0

當你仲擔心緊參加北韓平壤馬拉松跑第一,贏北韓選手幾條街會唔會比人犬決嘅時候,依個難得少數開放比外國人參加嘅北韓盛事,分分鐘因為最近中朝關係轉差,而無辦法開放參加,嚴格啲嚟講,你喺報到名參加,但喺用咩途徑進入北韓境內就要自己諗下辦法啦。

中國一向同朝鮮關係都唔錯,而且北韓同中國有好多經濟上嘅往來,促使中國變成主要進入北韓嘅途徑,旅客可以喺北京國際機場轉機去平壤順安國際機場(中國國際航空/高麗航空),另外一個方法喺經陸路由大陸丹東火車站坐火車去北韓,不過隨著一系列政治因素,目前中國國際航空飛平壤航班已經無限期停飛,如果連火車都停埋可能會對今次北韓馬影響更大。

睇返大會官方安排(連結),基本上所有參加者都需要跟隨旅行團再自費參賽,交通方面主要經由陸路火車同飛機前往平壤,如果喺選擇坐飛機嘅旅客會乘坐高麗航空所安排嘅班機,雖然中國國際航空停飛無直接影響,但喺根據其他網站消息顯示,多數旅客前往北韓都會經陸路,如果局勢再度惡化影響到去北韓嘅火車,基本上會影響到好多參加者。

就算要參加北韓馬交通極唔方便,飛機班次稀疏,坐火車要坐好耐,但喺北馬仍然有佢吸引人嘅魅力,自從北韓有限度開放旅遊visa之後,要去北韓旅行已經無之前咁難,相信好多人都有喺北韓打過卡,不過如果你張卡喺北韓馬嘅話含金量一定倍增。

參考資料:

北韓馬拉松官方網站

wikipedia

BBC.com

Appledaily

Ettoday

Comments
Loading...