【體壇熱話】NBA開季大恐慌-玻璃腳遍地

0

 

今季NBA常規賽17號正式開鑼,4個月休季時間,轉隊嘅轉隊,選秀入隊嘅開始踏入第一個賽季,各隊領隊季前都講到今年條Team有幾夢幻,隊中球星狀態前所未有咁Fit,好有信心咁預約定冠軍賽門票,令一眾球迷都相當期待依一季會為佢哋帶嚟幾多驚喜,果然揭幕戰開始五分鐘就出現驚嚇一幕,哥頓希活(Gordon Hayward)接應一球傳波後,失平衡造成左脛骨骨裂同足踝甩骱,宣佈暫時告別球場半年,當大家驚魂未定就再傳出林書豪喺18號一個上籃動作失敗之後倒地,後來證實右膝髕腱撕裂,應該成季都會報癈,一開季NBA就損兵折將,到底今季會精彩咗定喺悶咗真喺不得而知。

唔知大家有無發現,球星受傷通常好快好返可以出返嚟再打過,而且好多球員即使經歷大傷大患後依然有高水準表現,當然做得球星一定有最頂級嘅醫療團隊去Service佢哋啦,可能仲有啲不為人知嘅醫療手法,從中幫助佢哋喺治療同時仲可以保持最Fit狀態,所以今次Runrun搵咗身為運動創傷防護師(Athletic Trainer) Vincent Yeung,同大家拆解下頂尖運動醫療背後不為人知嘅秘密!!

1.  專科醫療團隊介入

運動員喺受傷當下就已經有專業醫療人員治療,運動創傷防護師會即刻進行評估同急救處理,完成急救之後會即刻直接去醫院檢查,評估傷勢及確診之後,專科醫療團隊會隨即介入,成員包括骨科醫生,放射師,運動生理學家,物理治療師,運動創傷防護師,體能教練各方面專家評估同討論由治療,康復,預防,回場,四個階段加埋嘅完整計畫。

2  .神秘手術方法

一直以嚟醫學界其實都有好多相當有效而不為人知的外科手術科方法,唔可以成為主流手術原因可能喺價格太昂貴,手術難度太高或者識得施行手術嘅醫生好少,所以有時球星受傷之後會搵一啲名醫做手術就喺咁嘅原因,近期最著名嘅有足球球星「人中呂布」伊巴謙莫域。

3.  仔細專科分工

韓愈喺師說中講過:「聞道有先後,術業有專攻」,喺專科醫療團隊中同樣奉行依個道理,大家會互相合作,喺各方面照顧運動員,做到互補不足嘅功能,其實正正喺因為隔行如隔山,互補長短先可以發揮到最大效果。

  1. 骨科醫生:進行手術,開藥單,跟進整個療程
  2. 放射師:影像醫學診斷,協助醫生跟進整個療程
  3. 運動生理學家:檢測運動員生理變化及判斷治療效果
  4. 物理治療師:手術後疼痛處理,肌肉放鬆,直到身體回恢到正常狀態(FULL ROM)
  5. 運動創傷防護師:針對運動創傷進行預防性貼紮,運動治療,運動能力評估,回場前評估
  6. 體能教練:針對性強化因為受傷而退化肌力,運動專項性肌力與體能訓練

外國對運動創傷有一套完整系統,務求令運動員受傷後有最詳細最完整嘅醫療,大家各施其職,環環相扣,令到運動員最快返到球場,而且能力依然。

 

今次訪問真喺令小編大開眼界,原來球員受傷之後有一班咁勞苦功高嘅幕後英雄,傾儘全力幫助運動員回復傷患前嘅光彩,可惜嘅喺即使香港運動員近年成績愈嚟愈好,但依然因為政府支援不足,大學無相關專業學系,令到香港運動員普遍運動生涯短暫,有時真喺一下光輝,而且面對重大傷患嘅時候只有退休依條路,努力都化成泡影。

Comments
Loading...