【點評體壇】稀奇古怪北京馬拉松

0

北京馬拉松喺琴日(17/9)落幕,今屆賽事可以話比賽前中後都話題十足,睇花邊新聞隨時比真喺落場跑更加有樂趣,除咗一般大路野咩著奇裝異服跑唔講,人數破記錄乜乜乜唔講,到底今次北京馬拉松仲有咩特別嘅奇怪野,值得好好留意?

 

1. 10倍大黃牛

中國貴為擁有十三億人口的大國,一場馬拉拉只有三萬個名額,作為一場比喻為「國馬」嘅馬拉松,絕對喺供不應求,有不唔少國民懷住唔執輸嘅心態,熱烈參與報名抽籤,再繼而放上各大網站「炒黃牛」,原本報名費只需要200元人民幣(HKD238),由於市場大供應少,變相助長炒風,將200蚊黃牛養成2000蚊大黃牛,足足大咗十倍,有無人買真喺不得而知,不過內地人應該會為人生參加一次「國馬」不惜重金買黃牛,為咗國家榮耀,相比於2000蚊,對內地土豪們可以話只喺濕濕砰。

2.高度防偽技術號碼布

相信淘寶之強大無人會有異議,聰明嘅內地人點會諗唔到上淘寶買號碼布參賽呢?不過主辦單位都喺人,明白參賽資格有價有市,知道想參加比賽只要「淘」一張號碼布就可以落場,所以主辦單位喺號碼布上落足心機,加咗好多防偽技術落去,分分鐘程度直逼一張身份證,充分發揮打假強國的精神。如果一張號碼布都咁高級,諗落2000蚊黃牛都有佢嘅價值喎~

3.有史以來最高科技長跑比賽

所謂「上有政策下有對策」,不過今次調反轉喺變成「下有政對策下上有對策」,如果買黃牛即喺要掛其他號碼布上場代跑,其實代跑現象即使係香港都時有聽聞,主辦單位都深知參加者有依個不良現象,就算張號碼布喺真嘅,但喺落場跑嘅人都可以喺代跑嘅,所以今次比賽首次加入人臉識別機器即係Iphone   X嘅Face ID,Scan完塊面,確定人同號碼布相符合,先可以行去起步線,而且成個路程都有「天眼」全程監測參加者、代跑、接力跑、坐車去終點,一經發現,通通取消資格,永久喪失報名中國境內報名馬拉松資格,咁高嘅待遇真喺只有「國馬」先有,今次名符其實超英趕美,連奧運都無咁高規格啊。

 

Comments
Loading...