【點評體壇】飛人轉戰綠戰場

0

保特周日喺Twitter公佈佢要正式進軍足球場,仲會係本週二公佈到底花落誰家,早係保持喺短跑場上退休後,一直揚言自己並唔會就此離開體壇,自己十分熱愛足球,好大機會會到各家足球會試腳,務求獲得一紙合約,轉戰綠茵草場,同各位粉絲喺足球場再開展足球夢,依家雖然已經有合約,連腳都試埋,但係上場之後會唔會合乎預期,抑或只係雷聲大雨點小,如果喺運動科學上睇又會覺得點呢?

1.足球並非單純靠速度取勝嘅運動

百米跑屬於少數單純只有加速運動,而且只有向前跑,相反足球嘅速度建基於球速,球預計落點,隊友位置等等,唔喺一尾得個快字就得嫁,而且足球中爆發力同速度只係佔好少部份,面對住技術好嘅再快都無用,所以就算保特再練好啲技術都可能喺幾年後嘅事啦,到時三十幾歲速度同爆發力仲有無咁好都係一個問題。

 

2.百米跑同足球兩者運動模式差太遠

同上一個原因差唔多,足球多咗個波就差好遠啦,技術層面上一推一射,接波傳球,已經差天共地,最慘嘅喺平時跑開直線,足球要佢穾然轉向,急停急轉,加上足球重度依賴敏捷性,主要由改變方向能力,反應時間,發力率幾種複雜綜合能力兼具,先可以有優秀嘅敏捷性,而且足球都唔喺下下爆住去,同百米跑真喺差太遠啦。

3.體能唔夠分分鐘踢到死死下

保特通常跑一轉一百米就收工,最多跑埋二百米,加起上嚟都只係幾百米就無,踢波嘅話要帶波都好辛苦嫁啦,加加埋埋仲等於要跑比平時多十幾轉,一場球賽加起上嚟踢足九十分鐘,一般左右翼要喺需要跑動最多最遠嘅位置,因為要顧及進攻同防守,平均一場比賽就要跑13K,跑百米只喺需要9秒多啲,九成只會用到磷酸系統(CP System) ,足球九十分鐘,比例上主要依賴有氧系統(Aerobic System)同無氧系統(Anaerobic System) ,兩者體能要求真喺差天共地,踢到一半就頂唔順都唔出奇。

 

4.身形輸蝕再快都無有用

一般足球員平均身高為181.96cm,保特身高196cm,高其他球員半個頭,頂頭鎚可能有返啲有用,但喺要帶波過人就高難度好多啦,好似巴塞球星美斯咁,只有170cm左右,敏捷度高加上身高靈活,有時要mark都有相當高難度,相反保特又大隻又高要mark當然無咁難啦。

其實保特去踢足球同之前世紀拳賽差唔多,喺一個賽制唔同技術層面唔同嘅運動中,要同咁多一級列強比真喺唔易,運動有專屬專項能力,再者比賽經驗都好重要,保特依家先入行未免有啲太遲,如果保持成功入行,可能只有商業宣傳比較大依個好處。

 

Comments
Loading...