運動生活平台

【 Sportential 】左 右 左 左 前 右 左 左 後?

0

好多時候聽人話上場郁得唔夠快,

有啲人話要練核心肌群穩定個跑步動作,(喺佢哋眼中咩人都要練核心肌群) 又有啲人話要跑下沙灘先會郁得快,仲有啲死命做agility ladder,不過,其實有冇分析過自己因為咩跑得咁慢?其實敏捷度喺一個看似好基本,不過又唔喺一兩個factor講得哂嘅嘅能力,可以喺基本肌力、硬度、身體唔平衡等都會有影響,所以想認真練嘅話,應該做測試再對症下藥。

不過,話明基礎班,緊喺有啲基本嘢可以自己做下嘅!

我會大致分為幾步,大家可以逐步逐步去練下,慢慢加強就會有進步啦!

 

第一步(學習動作階段):方向改變

基礎到冇得再基礎,要轉向首先要有唔同方向跑步,並且能夠做到減速轉向,可以向前跑過雪糕筒再向後跑,

或者向左跑蹺過物件向右跑。

第二步(訓練動作階段):加強距離/次數

做好上面轉向,可以將訓練量加大,上面跑2-3次,到而家跑4-5次,或者之前跑5米,而家可以去到15米咁。

 

第三步(強化動作階段):增加衝刺力

運動之前訓練模式,但要更加強調「速度」,同埋切合你所做嘅運動動作,好似打欖球嘅同打排球需要嘅都唔同啦,喺咪?

第四步(應用技術階段):增加外在阻力

第四步要加入外來阻力(藥球,啞鈴等),以籃球為例,而家當你跑到特定位置,要由訓練員傳藥球,再變向加速,或者由訓練員以手勢話你知衝刺方向,咁就同真實環境好似啦!

 

今日就到呢度,拜!

 

 

Comments
Loading...