【編輯週末推介】7大唔裝唔得免費跑步Apps

0

1.Running Pace

Running Pace App如其名喺一個跑步配速專用嘅App,你可以設定距離、時間、每公里配速、速度、分段、基本上已經包含大部分跑步時所需要嘅功能,就好似有人個貼身嘅Pace帶往你跑一樣。

2.Strava

同好多運動App一樣有基本GPS路線記錄、配速、計時依幾項,Strava最大特色喺內建一個虛擬競賽社區,你每次上傳嘅記錄都可以公開同所有Strava使用者進行比賽,成績最好嘅記錄會成為該段路線KOM,喺充滿一個競賽趣味App。

3.Training Peaks

當你上傳運動記錄到Training Peaks,佢會用一個月曆形式顯示每一筆記錄資料,依種呈現方式令到使用者對自己訓練情況一目了然,如果你有再升級功能,可以選購一系列訓練計劃,同時亦可以再透過App尋找教練。

4.Running Heroes

Running Heroes可以整合大部份市面上熱門App,每次只要喺Running Heroes上傳運動記錄就會同步更新其他App,而且Running Heroes令你每跑一步都變得更有實質價值,跑步儲積分,當到達一定積分數就可以換電子優惠卷等等。

5.Rungo

Rungo同樣有必備嘅運動記錄功能,佢最大特色喺可以自訂跑步路線功能,就算無網絡或者GPS你都可以繼續喺預定路線上跑步,而且如果你發現依條喺一條絕世好路線,仲可以share比朋友。

6.Runtastic Running & Fitness

Runtastic Running & Fitness同大部分手機運動程式一樣都有記錄功能,佢最大嘅特色可以喺跑步同時做Live,你嘅朋友可以喺App當中陪你一齊跑步,全程為你加油打氣。

7.Relive App

上述咁多款運動App主要功能都離唔開記錄跑步嘅資訊,額外再加上些微競賽元素,等你可以同大家一較高下,但喺Relive App就單純得多,只喺單純一個路線記錄功能,不過喺你運動完之後可以制作出一條美輪美奐嘅短片,放上Facebook 呃like一流。

講到哩度,上述Apps你地又有冇用過呢? 或者你地又用開邊個呢?

 

Comments
Loading...