【misscarrie】人生馬拉松 ─ 渣打馬拉松2019跑後感

0

從前我是個三分鐘熱度又容易放棄的人,以前一聽到42.195公里,第一個反應就是「痴線架! 點可以跑得到架!」完全沒想過自己能夠完成得到。

渣馬是我人生第三隻全馬,而渣馬賽道上我是第一次參加,所以由抽中全馬那一刻開始,我就一直很期待217的來臨。

那天早上,凌晨三點起床,梳洗食早餐,狀態亦很ok。我約了幾位跑友一齊到達上線地點,少許熱身跑,六點左右就去排隊上線,緊張興奮的心情開始出現了。

全馬一組6:35開始了,我前半段都是保持著5’30-5’40左右,不敢加速,怕自己會很快無力,寧願保守少少。一去到汀九橋u turn後超級大風,一隻手按著頂帽,一隻手按著號碼布,怕大風會吹走,非常論盡。跑到29-30K開始感覺自己無力,就同自己講「仲有12K咋好快就到」。

去到西隧口食最後一支gel,之後竟然可以加到少少速,但一出隧道就打回原形,一上長命斜就跌速到6分幾。再同自己講「最後幾K頂埋佢! 」雖然自己體力已經虛耗,但維持現有5分尾的pacing,都大機會可以sub 4。

去到最後1k,知道自己可以sub 4,其實心裡有少少眼濕濕同感動,畢竟今次都覺得有少少難跑,對於我全馬初妹,經驗又不多的我來說,可以sub 4已經很滿足了。

最後我3:59:08衝線了。雖然掹車邊sub 4,但感謝自己過去努力的練習,多謝教練,多謝跑班的同學仔,大家一齊鼓勵一齊支持,很窩心!我很相信下一次我能夠再有好好的成績。

好多謝在賽道上你地認得我叫我個名、叫我加油。跑步可以令大家距離慢慢拉近。

 

 

Comments
Loading...