【One Small Step】如何鼓勵女生跑步?

0

剛剛過了七夕,見到一個「並肩而跑」嘅post,十分喜歡,急不及待在臉書分享。當然換來一些羨慕、祝福的 comments。開始跑步以來,也見到好多男仕希望另一半一起參與。

首先澄清,唔係歧視,唔係覺得女仔一定要搵人陪跑。今次係想從女性角度出發,同男跑友研究下,如果想鼓勵無跑開的女性去開始跑,應該點做。

邁出第一步

幫她定計劃:首先要知道她跑步的目的,例如減肥?完成10K賽?根據她的狀況,制定簡單的訓練計劃:一週跑多少次、每次幾公里。當然要循序漸進,唔好一開始就來地獄式訓練。而家網上有好多訓練計劃,針對唔同需要,亦方便跟進。

觀察她:陪跑真是一門學問,其實大多數人開始跑都會感到十分痛苦,連500米也捱不下去。當一起跑時可以多留意她的呼吸狀況,提醒她怎樣呼吸較舒服持久。如果她應付自如可以提升下pacing,如果太喘就要放慢腳步了,唔好一下子嚇怕她。

鼓勵她:對於初跑者,鼓勵是十分重要,每當有些進展,不要吝嗇讚美說話;如果是另一半,更可以給一些獎勵吧,例如靚跑衫、跑鞋、書籍!

這是我收到的第一本跑步書

 

陪她參加第一次比賽

Checklist:比賽前一晚替她準備或檢查清楚所需要的東西,例如扣號碼布、晶片、如何解決早餐問題等。這些可能你會覺得是小節,但小節出了亂子,可能就會為她的第一次出賽留下不快回憶。

臨場教路:充滿經驗的你,係時候展現老手的魅力啦。比賽當日預留足夠時間,提醒她有熱身、去洗手間、寄存行李等。到比賽開始,提醒她要留意配速、姿勢、呼吸,甚至其他跑者。一路上給予支持,差不多到終點時就提醒她要笑喇,開開心心迎接第一次完賽!

第一次一齊比賽:春川10K

 

其實初初跑,最怕就係隔離嗰個一支箭咁跑走咗。當然要人陪只係起步階段,之後就要靠自己了!又或者掉轉,回憶前兩年叫蝦叔去打泰拳,也不斷鼓勵同利誘下先可以堅持下去。

最後還是互相扶持下先會一起進步!

蝦叔第一次上拳課

 

 

 

Comments
Loading...