【One Small Step】蝦嫂懶人早餐

0

三餐之中,以早餐拍下的照片最能「呃like」。因此,這促使到不少人窮盡心思將早餐照拍得時尚多變。

所謂「一日之計在於晨」,早餐確是應該重視。可惜,有不少人因為「趕時間」而將這重要一餐敷衍對付過去就算,待到晚餐才「報仇咁報」,其實很不健康。

我自己一直重視早餐,但吃的內容,以往跟現在分別卻大了。

以前,我和很多都市人一樣,每朝返工前一定有奶茶,「大家X」煎雙蛋早餐加腿通,有時候又麥記早晨全餐。經過十多年咁食,越來越肥,好多指數也超標了 (以下又是2013/14年的舊照片,工作十年的樣子😱)

後來開始醒覺要減肥,除左運動外,亦開始留意飲食,於是就由早餐開始,避免喝茶餐廳的港式奶茶,改喝Skimmed milk沖的奶茶或Americano。食物內容方面,亦要諗下點改變。

有人提議食麥皮,我也食過一陣子,但對我來說口味不太合宜,恐怕難以持續。因此,唯有自行摸索,搵D方便、適合自己而較健康的早餐。到現在,以下幾款食物成為我近年的早餐選擇。

1) 藜麥

呢樣係我不時重複推介的食物,至少比麥皮好食,煮法亦十分簡單。食之前只要稍浸,再烚5分鐘左右就可以。或可之前一晚整定,加少少芝麻醬、雜豆,飽肚又有營養。

藜麥不含膽固醇、蛋白質同纖維都高,不過記得要煮淋D,否則會引起胃部不適。有時候你問我長課前咁早食乜?前一天我會煮定,一早起來就食撈少少沙拉汁當早餐。

2) 牛油果
成日聽到「牛油果好肥」,好多時我都會食半個至一個,用來夾麵包或整成牛油果泥,好美味同健康。
有時候唔想整,就帶個牛油果落茶餐廳食早餐,點份茄治配牛油果,點都比餐蛋治、腿蛋通好掛!
另外我好喜歡食bagel,但又怕cream cheese/ 牛油太肥,咁就會夾牛油果食,亦都好香好美味。
留意本身bagel係冇問題,問題在於配搭嘅材料:
點揀牛油果?通常我會選較深色,捏下有點軟的那些,帶青綠色的往往過生。買得多,你就會有經驗了。
3) 烚蛋
因為平時少吃肉,所以多吃烚蛋去補番D蛋白質,當然蛋黃就只吃一隻。蛋白好抵食,飽肚又低卡,不過我跑步前食就會肚痛,所以會避。
4) 果汁
又係成日都聽到「果汁好多果糖!」,但不喝果汁,然後吃其他可能更高脂高糖的食物難道更好?果糖並非洪水猛獸,關鍵是你全日的食物搭配。
又有人問:「為甚麼不直接吃生果?」生果我也常吃,但有時也想來些變化,將蔬果混合變化餐飲,增添新意。
要說明的是,我的「果汁」,其實正確來說是「果蓉」——將生果不隔渣混合打爛,既有新意,亦可不丢失生果纖維。
平日早餐我常喝的是「ABC果汁」,也就是將Apple蘋果、Banana香蕉、Carrot甘筍打爛。夏天若想可口一點也可以加入冰塊一起攪拌,又或是加入奇亞籽(又稱奇異籽)增添營養與飽足感。
經驗所得,「蘋果+甘筍」非常百搭,再加上任何手邊有的蔬果也會很配。弄多了,你自然會找到自己喜歡的心水蔬果組合。
當然,有時候我也會放鬆一下,又或當長課後奬勵,食個美味又健康的大早餐!總之就記住 You are what you eat!

原來我IG都放左好多食物相,因為我都好喜歡看別人的早餐相!

【蝦嫂IG】 https://www.instagram.com/missstepstep

Comments
Loading...