【One Small Step】跑厭了,怎麼辦?

0

「日日夜夜都跑,你唔厭㗎?」

厭跑,又或者用個浪漫啲嘅term「跑者藍調 」(Runners’ blue),相信好多跑得多嘅人會經歷過。Weekend 一起身,心諗:「又要長課?」;放工後:「點解今晚又要衝圈?」我懂的,就算幾熱愛一件事,日日重複也會有厭倦的一日。重點在於怎樣克服,怎樣調整。

 

Rest – 休息也是一種訓練

跑步並不是生活的全部,它只是生活的一小部分。不想跑就休息一下,徹底地去玩去吃吧;亦唔需要自責,試試故意不准自己跑兩天,可能反而開始腳痕想跑了,跑步唔應該係一個負擔。

Understand – 了解自己

分析一下係唔係近日訓練強度太大、過分追求跑量而overtrain。如果是強度太大了,就要降低強度,做一些恢復訓練,讓身體不要長期處於疲勞。待身體狀態恢復過來,就可以順利度過厭跑期了。

New – 搵新路線、搵新活動

你可能習慣了自己一個人跑,又或者來來去去都係跑同一路線/ 運動場,這樣確是夠方便同安全。但當好唔想跑時,換一個自己沒有跑過的路線,或是約朋友跑,邊跑邊看沿途的風景,會有另一番喜悅和新鮮感!

如唔跑步,日日只係有入冇出,好有罪惡感!跑步不是唯一的運動,可以去游水、打波、踏單車令自己keep住有做帶氧運動。又或者可以去gym做器械運動。交叉訓練一方面可以降低自己的「罪惡感」,一方面亦可訓練唔同肌群,效果更佳。

村上春樹曾經說過:「不想跑的時候才要去跑,這就是長距離跑者的思維。」我覺得「迫自己跑」係短暫的解決方法,如果是自己興趣,打從心裏熱愛,應該好快過渡厭跑的低谷。長期下來,就要問問自己了。

其實跑步如同一段感情——唔可以迫得太緊,能放能收,關係才能長久。

 

Comments
Loading...