運動生活平台

【Race Vest 試用報告】CamelBak 新款 Nano Vest ! 有型抵買之選

0

以前跑步喜歡佩戴腰袋,所以後來玩山也不習慣孭背囊,因為玩山練習成日想偷輕咁可以跑快啲,不過後來改變了這觀念,因負重練習是很好的訓練;而現在的越野跑背囊巳由以前的背囊款式演化為背心款式,所以我現在每次練習都會孭這類跑囊,之前購買的 Nathan 和 Instinct 都是我心頭好,因為用得太多,巳用到甩哂色。

所以,最近見到新推出的 Camelbak Nano Vest,因之前見過 UTMT 環大帽山越野跑冠軍 Gediminas Grinus 用過,覺得幾有型,而另一半之前又用開 CamelBak 的 Pro Vest,他表示其間隔唔錯攞嘢好方便,於是便即管一試。

早前在 KOTH 山野之王大埔線試用 Camelbak。 (相片鳴謝:Jon Lee)

 

在剛過的山野之王 KOTH 半程試用,全長距離只 17 公里,Nano Vest 包兩個 CamelBak 軟水樽,用過軟水樽都知 CamelBak 的水樽十分耐用,其啜口又可以lock 實 (唔怕會唔覺意一按便噴水),所以比其他軟水樽貴少少也值回票價。

Nano Vest 包兩個 Camelbak 500ml 水樽,平時單買水樽都要每個 $200。

 

喜歡呢個網袋,攞補給品十分方便。

 

我最喜歡背面呢個較低調的設計,不像其他的 Camelbak Race Vest 有大大隻 Camelbak 字樣。

 

水樽擺放位置較我平時用的 Instinct 和 Nathan低,最初擔心飲水好唔方便,但原來又唔會,只要抽起少少水樽便可以輕易飲到。

而孭帶右邊前格的網袋放 Gel 十分方便,可以在半透明的袋揀自己想吃的味道,而最喜歡和令我安心就係佢孭帶前面左邊的拉鏈設計,可以放貴重物品唔怕跌;袋兩側都有網袋,放較大的能量棒呀紙巾呀等等就最方便。

除了有型的黑色,還有較 sharp 的紅色。

 

背位可以放 pole,不過今次短途賽並未有使用 pole ,不過見佢插在背後又的確幾有型和方便。而袋背部網布內亦可以放風褸,自己伸手去背部拎都十分方便。

後面呢格放 power bar,伸手攞時都十分方便。

 

另一半由去年初開始採用 Camelbak 的 Pro Vest,容量較大可以放水袋,攞嘢同樣十分方便。(相片鳴謝:Jon Lee)

 

CamelBak 一向採用超輕的 3D 網布,偷輕背囊重量之餘又舒服, Nano Vest 只得 150g,平時用嚟 Long Run 都 ok!

唯一美中不足,拉鏈袋略嫌細,只可放細電話!

去片睇清楚啲 Nano Vest 介紹:

產品資料:
容量:3L
重量:150g
飲水系統:包兩個 Camelbak 軟水樽
顏色:黑色及紅色
呎碼:LMS (中性呎碼)

(Photo Credit: Jon Lee)

Comments
Loading...