【Runder Woman】柏林馬拉松

0

一年一度的世界六大馬拉松之一柏林馬拉松即將舉行,今個月24號,Runder Woman 其中三位成員將會參賽。柏林馬拉松對我意義重大,因為是我人生第一個馬拉松,現在回想依然感受好深。好多人講過,初馬感覺值你一世去回味,直到我在2016年完成這個初馬,終於感受到其他人所講的。

跑步比我感覺上,除左衝線完成那份滿足感外,最深刻是練習的過程。還好記得Runder Woman 為了支持我而舉辦左一個活動,四個女仔,分別每人每日跑10公里, 平均3日就跑一次。仲好記有一次全日落大雨,但為左完成,無論天氣如何都會跑,甚至有人去旅行,都帶衫去外地跑,對好多人而言,幾日跑一個10公里看似好簡單,但我地所感受到是同伴之間的支持,行動同份心意,真的好感動。

終於去到當日柏林馬拉松大日子,成個氣氛都好熱血,始終是六大世界馬拉松,整個街道的居民都上街支持,沿途聽到好多打氣聲音,有樂手,有樂器表演奏,跑頭30公里時間都感覺好快過,而且好享受個過程,當去到32公里,感覺膝頭開始痛,感覺到自己體力開始下降,意志力都開始消沈。但我不停同自己講不要放棄,堅持,唔可以浪費RW 咁有心機用行動去支持我,然後一步一步用堅毅意志跑到去終點。

當我到達終點開出電話,原來RW 全程都有用柏林馬拉松個追蹤程式一直陪伴著我去跑,去打氣。個一刻眼淚不停地流,看似自己一個人的運動,原來並不是自己一個,而是可以有一班同行的同伴一起去面對去堅持,感謝妳地三位。

 

Comments
Loading...