【Runrun部你倒數渣馬】距離渣馬開賽仲有6日就到啦!!

0

我哋Runrun會一連14日同大家一齊倒數,每一日同大家講下應該要做啲咩,務求可以全方位幫大家喺比賽前做足準備,比賽前有幾方面喺需要特別注意嘅,休息,訓練,恢復,飲食,當然仲有唔少要特別留意啦!

訓練:

今日係比賽前6日,可以做低強度恢復跑,維持身體對跑步嘅感覺,當然亦可以選擇完全休息。

恢復:

同平時一樣,拉筋同轆Roller當然唔可以少啦!

休息:

繼續調整作息時間,如果連續兩日都可以順利入睡同做到自然醒,就代表作息時間相當適合。

飲食:

高碳飲食法餐單要維持好,建議85%-95%卡路里由碳水化合物中吸收,如果當日有訓練可以再額外攝取碳水化合物。

特別留意:

可以開始買Gel,再確定自己啱口味同唔會有不良反應,另外就要諗下當日會有咩特別野要準備,盡早買定。

Comments
Loading...