我哋Runrun會一連14日同大家一齊倒數，每一日同大家講下應該要做啲咩，務求可以全方位幫大家喺比賽前做足準備，比賽前有幾方面需要特別注意嘅，休息，訓練，恢復，飲食，當然仲有唔少要特別留意啦！
訓練：
離比賽仲有一個星期，要開始進入減量期，建議成個星期最多練兩日少量低強度訓練，所以今日先完全休息。
恢復：
雖然完全休息，不過恢復一啲都唔可以馬虎，堅持拉筋同按摩好重要。
休息：
開始要習慣早瞓覺，如果可以15分鐘內入睡，就代表開始適應依個睡眠時間，如果早上可以喺預定時間自然起身就更好。
飲食：
高碳飲食法開始一段時間啦，餐單要做好最後調整，身體唔可以有腸胃不適等問題。
特別留意：
今日係星期日要攞選手包，放好通知書同去特定攤位攞選手包，大家可以Plan好行程。