我哋Runrun會一連14日同大家一齊倒數，每一日同大家講下應該要做啲咩，務求可以全方位幫大家喺比賽前做足準備，比賽前有幾方面係需要特別注意嘅，休息，訓練，恢復，飲食，當然仲有唔少要特別留意啦！
訓練：
今日喺比賽前1日，相信大家身心都做足準備，再訓練已經無咩作用，今日星期六好好休息一下，放鬆心情。
恢復：
賽前拉筋、按摩、Roller、泡熱水澡等等都可以做，如果身體仲有些少疲勞感，可以做輕微動態伸展，利用肌肉泵浦功能加快恢復。
休息：
維持所預定嘅作息安排，聽朝養足精神企喺起跑線上。
飲食：
避免進食咖啡因食物，同有可能令身體腸胃不適問題食物。
特別留意：
賽前一天有好多野要準備，手錶手機充好電，衣物太陽眼鏡，營養補充品，號碼布等等。