我哋Runrun會一連14日同大家一齊倒數，每一日同大家講下應該要做啲咩，務求可以全方位幫大家喺比賽前做足準備，比賽前有幾方面係需要特別注意嘅，休息，訓練，恢復，飲食，當然仲有唔少要特別留意啦！
訓練：
今日係比賽前3日，正值減量期所以完全休息會比訓練更加有價值，臨比賽可以跑多個恢復跑，可以選擇今明兩日進行。
恢復：
身體要開始進入最好狀態，亦都要保持肌肉放鬆有力。
休息：
保持每日有充足睡眠，直到比賽當日，而早上可以跑恢復跑或者些微配速跑。
飲食：
高碳飲食法餐單要維持好，建議85%-95%卡路里由碳水化合物中吸收，尾期可以慢慢接近碳水化合物攝取量最大值，不過仍然要留意身體情況。
特別留意：
留意比賽當日天氣預報，手錶預先SET好，習慣介面使用，唔好臨起跑先搞。