【Sumsum的跑步一二事】我是新手,我想跑步……

0
剛接觸跑步的首個10km

 

近來有位網友問我,新手應該如何開始跑步,雖然已有不少朋友探討過呢個問題,但既然有人問,我當然不介意分享我的睇法。希望對想跑步但又不知道怎樣開始的朋友有所啟發。

以下幾點,純粹我的個人意見,希望各位新手找到開始的方向。

1. 買一套你喜歡的運動裝備

「吓?我都未知鍾唔鍾意跑,就要買咁多野?」我唔係叫你買來浪費,但穿上一套漂亮的運動服和一對舒服的跑鞋,確實能令你跑得更開心,正所謂「工欲善其事,必先利其器」,無裝備又點會跑得開心又舒服呢!不用買非常昂貴的,反正我相信即使你跑幾次就放棄,呢堆用品總有再次有用的一日。

自己喜歡的裝備

 

2. 問問身邊跑步朋友意見

面對新事物時必定非常不知所措,到底應該去邊跑?要下載什麼應用程式?買什麼裝備?呢啲問題在我剛接觸跑步時全部都問過。不用怕醜,有問題,就去問問身邊有跑步經驗的朋友吧。記得當年我問過一個中學同學,她對我的問題一一耐心回答,否則我都唔知點開始。

3. 加入Facebook跑步群組 

Facebook跑步群組的好處就是—人多。你問一個問題,小至十個,多至幾十個師兄師姐出來解答,真係Google大神都唔使搵。群組內亦流行「交功課」,即是將自己的訓練公諸同好,方便大家參考。有時亦會有跑步活動,新手可在當中尋找同伴。

4. 參加跑班

如果你想有規律的訓練,想有教練帶領和指導,參加跑班不失為一個好選擇。跑班每星期都有課表,只要跟就對了。上堂時又有同學仔互相鼓勵,新手在這環境下較易堅持。

5. 踏出第一步,感受跑步的樂趣

最重要都是踏出第一步,換上跑步裝去跑吧,否則以上的方法全部都是廢話!無論是運動場、公園,還是海濱,找個舒服安全的地方,完成你的首次訓練吧。

踏出你的第一步

 

6. Post呃like相

最後最後,不如post張相上Facebook呃下like啦!人人都喜歡俾人讚,跑完步,放張相上Facebook,見到留言「好叻呀!」、「加油呀!」等等字句,心入面一定欣喜若狂。之後你一定會想繼續跑,繼績post,繼績俾人讚,你話係咪好吸引先?

 

延伸閱讀:

【Sumsum的跑步一二事】明明好憎,但又令你心甘情願操的梯

 

 

Comments
Loading...