【Sumsum的跑步一二事】面對傷患,絕不放棄

0

我的跑齡不長,就兩年多,但已遇過兩次大病和兩次傷患。一次是在2017年年尾跑到右膝發炎,另一次是剛剛上個月發現左腳膝後生咗個水囊。我試過太大打擊變得一蹶不振,試過喊到收唔到聲不停責怪自己,更試過天天對住朋友放負。

雖然遇過一次又一次的打擊,但我就是堅持不放棄,最終又從傷患中康復了。所以我決定在這裡分享一下我這一年的經歷,希望可以鼓勵正面對傷患的你們,繼續努力,積極面對!

1. 尋求專業人士意見

其實即是叫你睇醫生,因為只有醫生才最清楚,切忌諱疾忌醫。當時我剛剛右膝發炎,一直不肯去睇醫生,因為不敢面對,怕醫生會診斷出更多問題。但其實愈唔睇就會愈擔心,而且會延長康復的時間。後來照了磁力共振(MRI),知道只是發炎而不是傷及韌帶,立即放下心頭大石。記得,還要聽醫生的建議,積極接受治療和休息。

(Δ 今年9月時,當覺得左腳有問題,便立刻去找骨科醫生照磁力共振,發現左膝後面有個水囊,幸好醫生話仲可以跑)

(Δ 康復治療:針灸)

 

2. 調整心態,反思過去

我知,傷咗一定會好唔開心。但我以過來人話你知,可以唔開心,但要盡快收拾心情,因為唔開心係無用的。反而要做的是反思過去,尋找傷患發生的原因,是因為訓練過度嗎?還是跑步姿勢不正確?只要找到問題的根源,便可以盡力避免同樣事情發生。

 

3. 嘗試其他活動

習慣了跑步,突然要停下來,的確會很難受和很不習慣。如果不能跑步,不如試試其他活動,醫生建議我在休息期間可以游水,幫助放鬆肌肉,而另外我也有做瑜伽,幫助自己平復心情。雖然腳傷了,但不代表你要坐著什麼都不做,有時做吓其他運動,反而對康復更有用呢!

 

4. 要有重新開始的勇氣

經過一段時間的休息,狀態一定大不如前。無論是體能或肌力都大大退步,甚至需要由零開始。但這是正常的,千萬不要氣餒和灰心,因為慢慢配合訓練,一定可以回復狀態的。記得右膝發炎康復後,我用了超過半年時間才開始回復狀態,幸好當時夠堅持才能撐得過這段難捱的日子。

(Δ 開頭只可以慢跑2km,坦白說是非常辛苦)

 

如果你也是正面對傷患的困擾,希望你知道你並不孤單,因為有我陪住你撐落去!唔好放棄跑步啊!

 

延伸閱讀:

【Sumsum的跑步一二事】謝謝跑步改變了我的三分鐘熱度

【Sumsum的跑步一二事】我是新手,我想跑步……

 

Comments
Loading...