十個出街跑潛規則(上)~

0

跑季開鑼好一段時間,天氣亦開始轉涼,街上熱門練跑時段,不論運動場定街道都人山人海,出街跑步之前你有無了解其實跑街有相當多潛規則呢?

1.穿著鮮色顯眼衣服

特別喺夜晚跑步嘅時候,少不免要過馬路,鮮色顯眼衣服可以令道路使用者睇到你,如果穿著暗色衣服其他人睇唔到你,好容易發生意外。

2.千祺唔好跑落單車徑

好多人見單車徑平坦無人行就會貪方便貪快走落去跑,其實依個行為喺相當危險嘅,單車睇落無一般汽車危險,但喺同你所想嘅正正相反,單車要急速停車對無論速度快慢,對你同單車駕駛者都極危險,而且法例上,如果道路設有行人路,單車徑只有單車駕駛者可以使用,違者可被票控。

3.避免突然急停

聽電話影相,拉筋抽搐都唔好突然停喺路中心,因為後面可以會有其他途人同路友,人哋一個唔為意你停低就好容易同你相撞,最嚴重可能幾個人「炒埋一碟」.

4.超車先瞻前顧後

跑道上每個人都有快有慢,如果你要過人最好先觀察前方路人速度,要cut線之前睇下後面有無人,然後再慢慢移到中線,過人同時要保持距離。

5.聽歌唔好咁大聲

聽歌加跑步一次雙重享受喺正嘅,不過太大聲會削弱對環境嘅認知能力,如果後面有特如其來嘅危機可能會走避不及發生意外。

 

下編再同大家講埋其餘五個潛規則,可以話喺上編嗁加強版,不妨試下下次跑步注意下上面所講嘅潛規則啊!

 

Comments
Loading...