十個出街跑潛規則(下)~

0

作為一個運動生活平台,小編除咗同廣大讀者分享正確運動觀念,科學新知之外,利用平台推廣健康運動風氣同樣喺司職所在,而小編一向都有恆常練跑,有感於路上練跑人數愈來愈多,所以十個出街跑潛規則就正式誕生,大家無睇過上編,記得搵返嚟睇啦~

1.儘量保持直線

跑步唔好跑跑下右邊又跑去左邊,不論喺街定運動場都一樣,最好保持一條直線,因為後面可能有人隨時要過你頭,突然cut線喺相當危險嘅。

2.運動場堅守逆時針快內慢外

運動場好多人都跑過,方向一般喺逆時針跑,如果你喺想跑快啲追速度可以偏內線跑,慢跑長課要視乎速度,愈慢就需要偏外線。

3.貼路邊跑

跑步嘅時候靠邊跑,儘管唔好長時間霸佔中線,因為靠住路邊跑可以比到後面嘅人清晰指示,大大降低比人撞同撞到人嘅風險。

4.結伴跑唔好並排行

路邊情侶一對對,跑友一班班,同朋友一齊跑步記得唔好並排而行,香港道路非常狹窄,有時伸直兩隻手都霸曬成條路,並排跑其實相當阻礙其他道路使用者,喺相當自私嘅行為。

5.跑街雖無方向之分,及早選擇跑道避免碰撞

有唔少緩跑都設計成靠近河邊,有唔少人會習慣靠河邊或欄杆作為跑道,香港就行人行走方向未有特定規範,不過跑街總會有人迎面同你同一跑道,預先確定自己所選擇嘅跑道,可以避免誤會減低碰撞機會,人多嘅時候亦最好跟著前方嘅跑道,儘量保持同一方向,令到跑道更暢通。

 

 

 

Comments
Loading...