【跑步冷知識】尿液顏色可以知道身體缺水程度

0

 尿液顏色  背後蘊藏極大意義,因為運動過程中要不斷補充水份係人都知,一般運動中如果無特別補水策略,建議每二十分鐘補充,250ml清水或運動飲料,如果運動強度或環境相當極端,例如高溫高濕度,衣著密不透風,運動強度過高會導致身體大量流汗,此時就需要補充更多水份,避免因為運動而缺水,如果情況並非如此極端,遵從上述飲水指引其實對於一般人嚟講都相當足夠,不過每個人體質都唔同,喺科學嘅角度上點樣檢測一個人運動中有無缺水呢?

尿液顏色
Woman stepping on scales and weighing herself

運動前後體重測量(Body Weight Measurement )喺其中一種方法,而且仲可以用嚟計劃運動中補水策略。運動嘅時候體重下降主要係因為身體水份流先所引致嘅,所以只要將運動前後體重相減,就會知道運動過程中確實水份流失嘅數量,藉此評估喺同樣運動強度下身體流失水份數量,體重每下降一公斤,相對飲用返大概一公升水份,咁就可以知道自己喺運動中需要補充幾多水份,咁樣就能夠避免身體陷入缺水問題

排尿速率(Urine Specific Gravity)係另一種測驗運動中有無缺水方法之一。體內水份含量會反映喺排尿速率,當身體缺乏水份嘅時候,運動時身體會傾向將水份用於散熱,維持身體體溫正常,避免身體過熱,所以身體製造尿液速度亦會比較緩慢,排尿液速度相對下降,當排尿速度變得比正常慢時,顯示身體可能已經出現缺水問題。

尿液顏色

尿液顏色同樣喺身體有無缺水嘅其中一個指標。尿液速度同顏色嘅原理喺一樣,身體喺缺水嘅時候偏向用於散熱,但喺運動中身體依然會產生出代謝癈物,水份大部分都用於散熱,用於處理代謝癈物水份減少,尿液濃度會較平常高,一般正常尿液應該為淡檸檬色,無味,如果尿液顏色變深,味道加重,表示身體已經出現缺水,顏色味道愈重顯示身體缺水愈嚴重。

身體如果缺水2%已經會出現輕微缺水徵狀,長期喺缺水嘅情況下運動,對於訓練成效亦大打折扣,所以喺睇完依三個檢測運動後有無缺水嘅方法之後,你會唔會重新審視一下自己平時補充水份嘅方法呢?

參考文獻:

10 Colors That Suggest Urine Trouble(By: Scott LaFee)

What Is The Connection Between Dehydration & Water Retention?

NSCA-Essentials of Strength Training and Conditioning 4th Edition.

NSCA-Essentials of Personal Training, 2nd Edition

尿液顏色 相關延伸閱讀:

【跑步急症室】橫紋肌溶解症

Comments
Loading...