【跑樂樂】馬拉松的BIG 5

0

講起BIG4/BIG5,有少少波齡既朋友,都會諗起英超傳統BIG 4(曼聯、阿仙奴、車路士同埋利物浦),做會計做到天昏地暗既打工朋友,入BIG 4亦都可能係佢地目標,但講到馬拉松,原來都有一個BIG5,你可能會諗到波士頓呀、倫敦呀、芝加哥呀等等世界知名馬拉松大賽,但事實係錯既,馬拉松BIG5係講梗獅子、大笨象呀、水牛呀哩D平時打開national geographic成日見到既原始猛獸!

馬拉松BIG5正確黎講係”五大野生動物馬拉松”或者叫”五大猛獸馬拉松” (英文叫Big 5 Marathon),「五大」是指南非的五大野生動物,獅子、豹子、大象、犀牛和水牛。這場馬拉松每年都會係南非-林波波省 (Limpopo Province)舉行,線路從約翰內斯堡途經克魯格國家公園,公園是野生動物的家,平時訪客會坐在有安全防護的四驅車裏遊覽公園,雖然比賽無遮無擋非常刺激,但也是很安全,因為武裝巡邏的護林員會保護參加者的安全,而且比賽也避開了動物用餐的時間。

好多人話成日全世界周圍去跑馬拉松,感覺好”正”,因為一路跑一路可以欣賞不同地方既文化同地標,Big 5 Marathon當然都係標榜原野體驗,順便推廣埋保護野生環境既信息,今年賽事將於6月24日舉行,而載止報名日期係今個月尾31日,有興趣既跑手,趕唔切今年,都可以睇定資料準備下年嫁!

賽會官網: http://big-five-marathon.com/

 

Comments
Loading...