【實測鞋評】Nike air zoom pegasus 34

0

當人人不斷吹捧Breaking 2嘅Vaporfly 4%時候,NIKE其實就Breaking 2計劃一共推出咗4個同色唔同系列跑鞋,當中Vaporfly 4%可以話喺集NIKE「黑科技」於一身,但喺價錢極為驚為天人,對一般跑友嚟講「可遠觀不可褻玩焉」,買咗都未必著嚟跑,不過NIKE亦都深知一眾跑友心水,推出色水一模一樣Vaporfly EliteZoom Fly 同Pegasus 34,當中對一眾跑手,入門之選非歷史最悠久嘅莫屬。

Pegasus 34嘅後面號字代表著依個系列嚟到第三十四代,而佢亦喺NIKE跑鞋中歷史最悠久嘅跑鞋,由三十四年前開始一共經歷咗三十四代次改進,不過至今依然保持系列始創嘅核心理念,提供平民價格,輕量,有AIR嘅訓練型跑鞋,目前Pegasus 34定價喺眾多牌子中性價比仍然有相當高位置,更加喺知名跑鞋網站Runrepeat.com擁有極高評價,以下就睇下Runrun記者一個月嚟嘅實測,喺唔喺名符其實!

 

重量:

鞋跑會因應唔同size有唔同重量,男裝平均285克,女裝平均285克。

款色:

Pegasus 34款色單單34代就有足足18款之多,而最熱賣嘅當然喺與Breaking 2同樣配色灰色,紅橙色配搭。

跑鞋參數:

男女款參數設計都一樣,鞋drop大概為10mm,鞋跟高29mm,前掌厚度10mm,雖然官聲稱除咗有分男女款之外,鞋面仲有闊、狹窄、正常三種,不過記者實買就只有正常版,如果大家會選擇網購嘅話可能要買大半號啦~

特色:

採用雙Air氣墊,分別喺前掌同鞋跟位置,跑落避震同Air效果喺新鞋時期相當明顯。

包覆方面,用咗NIKE獨特Flywire技術,包覆性極好,基本上腳背位置都完全包覆好,而且跑步過程中,包覆效果無因為向前衝力變鬆。

鞋面使用Flymesh 物料,相當之透氣舒服,亦令到成隻Pegasus 34造得如此輕盈貼覆。

一個月後試用感:

用咗Pegasus 34跑一個月,雙Air氣墊無一開始咁明顯,不過並未有太誇張老化情況,目前嚟講仍然有避震緩衝功能,不過鞋底無加設有抗扭力支架設計,使用一段時間之後,鞋底有變軟感覺,同些微形狀上改變,跑起上嚟無一開始鞋底咁有硬朗感。

另外就喺鞋底紋路磨損程度,記者著Pegasus 34跑咗15次5-8公里,鞋底紋路無咗突起粒粒,對於路面抓地能力,有輕微打咗折扣,不過對於抓地力依然相當強勁。最後記者特地搵咗一地濕嘅情況下出去跑,過程中無任何打打滑情況,抓地力比預期中好,可惜防水能力差咗小小,如果有落雨跑步需求就可能要買同系列,另一針對雨天跑步設計鞋款PEGASUS 34 SHIELD。

資料來源:

Nike 官網

RunRun記者

Comments
Loading...