【海外旅跑】全球最美沙灘越南峴港! 5公里平滑海岸線赤腳練跑

0

近年自從多咗跑山後,好像有點怕了跑平路,感覺像有點悶又上氣唔接下氣,每星期路跑里數唔夠 20 公里。

Non Nuoc Beach

早前到一向以靚沙灘見稱的 越南峴港(被福布斯選為世界六大最美沙灘之一)享受陽光海灘度假,卻竟然在 6 日 5 晚的旅程跑了 42公里,更並非在 gym 內跑步 (多得這個超長沙灘,令我沒有光顧過酒店的 gym),而是在入住之 Melia Resort 泳池對出長達 5 公里的唐人沙灘 Non Nuoc Beach 跑步。

Non Nuoc Beach

以往每逢去陽光海灘度假地點旅行,總會走到沙灘,第一件事唔係睇吓海水有幾清和檢視是否適合游水,而是觀察沙灘是否適合跑步,不過很多沙灘不是太多珊瑚和貝殻十分拮腳,便是太斜;今次在峴港唐人沙灘 Non Nuoc Beach,不但沙灘夠長夠闊,沙質夠幼滑之餘,沙灘的斜度十分平緩 (最緊要唔會斜埋一邊),每天吃過早餐,便換上泳衣,在沙灘赤腳跑步之餘仲可以曬埋太陽,第一天來回了幾轉,唔覺唔覺便跑了 8 公里,雖然沙灘在潮漲時滿注了水,所以有些地方有點硬,不過第二天再跑後,巳習慣了。

Non Nuoc Beach

其實在沙灘練跑有不少好處,沙灘跑所消耗的熱量是在硬地跑的1.6倍 (各位女生注意,即係有助消脂),因此沙灘跑步訓練對提升心肺有幫助;凹凸不平的沙面可以強化腳掌、下身和髖關節等,亦訓練核心肌群的穩定性,以及運用到平時跑步甚少用的小肌肉。

女士們想在旅行時食多啲都keep得fit,記得在沙灘跑多幾轉!

Non Nuoc Beach

延伸閱讀:

【One Small Step】去到邊跑到邊:越南篇

 Non Nuoc Beach 參考資料:

峴港市

 

Comments
Loading...